||♥|| قوانيــــ|ــــن القســــ|ــم االمفـ|توح للمـ|ــوضيع ||♥||

السلامـ عليكمـ .. توضيح الى كل اعضاء القسم المفتوح للمواضيع المنوعة . الى عشاق المواضيع العامــه والمفتوحــه .. هذي نقاط بسيطــهـ لترتيب القسمـ والبحث عن جعله مميز وافضل من باقي الاقسام الاخرى .. نحب نوضحــهــا لاحلى اعضاء .. اتمنى من الجميع المساعده بقرأتهــا وتطبيقهـ .. ¤§ المواضيع الي راح تحذف من القسم وكمان الردود §¤
(( 1 )) مواضيع تتكلم عن الديانات والفرق .. مسيحي مسلم سني شيعي الخـ .. هذا ماهو مكانها ..
(( 2 )) المواضيع السياسيه مقبوله لكن الطرح الي يسبب نزاعات ويتكلم عن الدول .. ومايكون الخبر او الفكره بنائه راح نطيره بكل فخر ..
(( 3 )) المواضيع المخله بالادب لا كلام نقبله ولا صور والوضع ينطبق على التواقيع للاعضاء .. وراح نحذف المواضيع والرددو وكمان التواقيع المخله بالادب ..
(( 4 )) مواضيع فاضية المحتوى الي مافيها اي فكره واضحه .. او يكون طرحــهــا بشكل مختصر يعني بالعربي مواضيع السطر والسطرين مانبي .. اتعب على الموضوع حتى تلاقي اعجاب وتفاعل من الاعضاء ..
(( 5 )) القى بالعنوان اسم عضو مكتوب سواءً بالخير او الشر راح اطير الموضوع وانا اضحكـ .. لكل شخص بالمنتدى خصوصيه وعندك زر ارسال رساله خاصه اضغط عليه وحل مشكلتك او وصل شكرك ..
(( 6 )) الحد الاعلى لعدد المواضيع اليوميه 2 مواضيع فقط .. واي موضوع زياده عن هذا الحد نشكرك عليه لكن بنقصله تكت للمحذوف .. الهدف ماهو كبت او اي شيء سلبي لا بالعكس لكن كثرت المواضيع في اليوم الواحد تفقدها الجماليه .. اتعب على ثلاث مواضيع واجملها ..افضل من انزل عشر مواضيع على السريع .. وغير كذا اعطاء فرصه لكافت الاعضاء في المشاركه .. وتعددهم ..
((7 )) المواضيع المكرره والي سبق وطرحت بالقسم العام .. تسفيره على المحذوف .. تاكد من القسم العام قبل ماتنزل المشاركـه .. فيه غيرك تعب وكتب ومن الظلم نخلي موضوعك وهو سبقك في الطرح ..
(( ) مواضيع وردود السب والشتم والالفاظ الخارجه عن حدود الادب .. طبعاً الذب والضحك والخبال والهبال مطلوب لكن لانخلط المفاهيم .. حدود الادب : قس الكلمه ووقعها عليك وتعرف هي يس والا نو ..
(( 9 )) مواضيع الدعايه والاعلان والروابط .. هذي مايحتاج متحمسين لها تسفيره على المحذوف .. معروفه روابط منتديات ومواقع شخصيه .. الهدف منها سحب اعضاء .. وفيه فرق بين رابط وكالات انباء او صحف .. ورابط منتدى فاهمين علي برافو ..
(( 10 الردود )) ( أ ) ماينطبق على المواضيع ينطبق على الردود .
( ب ) اي رد فيه : مدري - اتمنى تلقى احد يساعدك - !!!!!!! - ؟؟؟؟؟؟؟ في مواضيع القسم غير مقبوله ادري نياتنا سليمه ونحب نخدم ونتمنى الخير لبعض .. لكن خلو الاماني بقلوبكم لا تجيبونها للموضوع اذا ماعندك اضافه للموضوع لا تقول مدري وغيرها .. لانك غير مجبور على الرد .. واي رد بهالشكل بيحذف ..
( جـ ) ردود الرفع : لا ترفع موضوعكـ برد والسلام .. ولا تقول وينكم - ردو - مافي جواب - محد معطيني وجه - الخـ .. خلك ذكي اضف على موضوعك معلومه فكره شيء يستاهل .. وبكذا تكون سويت الي تبي وافدت اخوانك بطرح مفيد .. الي راح يخالف مايحتاج رده بيطير ..
( د ) تكرار الردود : دخلت موضوع ورديت عليها خلاص مافي داعي تكرر الرد مية مره .. ويكفي رد واحد الا اذا عندك اضافه غير الاولى فياهلا فيك وبردك .. والمخالف راح تطير ردوده واذا كررها راح نطير جميع الردود له ..
( هـ ) هـ .. هوشه : اذا شفت هوشه لا تدربي رويسكـ وتشاركـ فيها .. لان الكل راح يحاسب على رده وعلى ردة الفعل من رده .. لذا نصيحه ابعد نفسكـ وريح راسكـ .. §¤¤§ المواضيع الي راح تنقل §¤¤§ كل موضوع راعيه مطفي النور وجايبه هنا بننقله بدون توجيه .. القسم هذا مفتوح صح لكن فيه اقسام تصاميم ورياضه .. والعاب وفرفشه وشعر واقسام فنيه الي هي استار اكاديمي .. واي موضوع لها قسم موجود راح ينقل بدون اي توضيح .. مالقيت موضوعك هنا اعرف انه منقول .. °~®~°¤§ عناوين المواضيع §¤°~®~° الاثاره فن وجداره .. لكن مواضيع عااااااااااااااجل او ادخلووووووووووو .. حراااااااااااااااااااااام او مفااااااااجئه .. او تعااااااالووووووو او حصريااااااااااااااااااااً .. ^ والامثله كثيره هذي بمصع رقبة راعيها .. يقدر يقول ( عاجل : توضيح للموضوع ) او يتفلسف ويقول عاجل في زمن غابر وعلى هالشاكله .. بالبدايه بنغير عنوان الموضوع واذا تكررت راح نحذف اي موضوع لانه يعرف وما التزم .. .. §¤°~®~°¤§ توضيح عام §¤°~®~°¤§ .. التواقيع .. المقاس لازم يكون مقاس رسمي او اصغر .. المقاس الرسمي : بحجم الصفحه بحيث مايزيد عنها ويشوها .. واي توقيع مخالف بالحجم او غيره راح يحذف بدون مانعطيكم خبر .. |: |: |: الشروط لكم وفي صالحكم حتى يكون القسم منظم ويفتح النفس للقرأه والمشاركــه .. بجد التنظيم والضوابط بتريحنا وبتريحكم من الحوسه .. خلونا متوحدين وايدينا مع بعض لاجل الجميع .. نبي القسم العام والمفتوح هو الاميز بين الاقسام .. بالطرح وتنسيق المواضيع .. وتعدد الافكار فيه .. شذى كلها ايام وتشرف منتداها وراح تشوف جميع الاقسام .. ارجوكم اتبعو النقاط حتى تسهلون المهم للوصول الى التميز .. الضوابط وضحناها وحطينا النقط على الحروف .. لذا الباقي عليكم والله الله بالطرح الجامد المتعوب عليه .. والسلام خير ختام ..